يوميات عمر فى الاسبوع الاول

واللى خنقنى أكثر انى عمال اعيط واصرخ علشان ماما تفهم وتاخدنى ونمشى ..
والست الرخمه اللى اسمها ( ام سالى ) دى تقولها معلش تلاقيه عاوز البزازة

– بزازة ايه يا حااااجه دلوقتى هيه نقصاكى انتى كمان _

المهم بعد شوية نزلنا من عندهم وأنا فى حالة نفسية سيئة بس بعد شوية هديت –

هوه يعنى اللى خلقها ما خلقكش غيرها ...

فيه كام مليار بنت موجوده ما جتش على دى ...

انا مليون واحده تتمنانى دا انا أحلى من ( محمد هنيدى ) هههههه-

المهم وأنا قاعد فى اوضتى سمعت الواد الفلاح ابن الجيران اللى جنبنا بيقول لاخته " يا بهانه هوه ماتش ريال مدريد جاى اميته ؟؟"

يا عم اقعد على جنب بقا انت هتعملى فيها مفتح

انتا اخرك تتفرج على سكة حديد سوهاج .

هيه نقصاك انت كمان وانت شبه ( شيكابالا ) كده

المهم قعدت اتفرج على فيلم (تيتانيك ) فى التلفزيون أصل انا بحب ( كيت وينسلت ) موووت وهيه كمان معجبه بيه طحن

وانا قاعد لقيت الناس اللى سكنوا فوقينا جديد جايين يزورونا ومعاهم بنتهم الصغيرة ( دنيا ) –

بت برضه عسل اوى واستايل كده زى اللى ما تتسماش –

لا والجميل فى الموضوع ان البت كانت بتبصلى بانبهار وهتموت من شدة الاعجاب بيه كانها شايفه قدامها ( يونس شلبى ) ,

يعنى انا بقى قلت بلا سالى بلا بتاع خلينا مع البت دى احسن ,

وطول ما احنا قاعدين والبت ما شالتش عنيها من عليه وانا عمال اضحك لها واشاور لها ونظام بقى وكده .

وانا عمال اترسم بقى اقدامها وكده سمعت مامتها بتقول لمامتى !!!!!!!!!!!!!!!!!!

ان شاء الله احنا رايحين النهارده للدكتور علشان نعمل العملية لدنيا

وهوه بيقول انها احتمال ترجع تانى تشوف باذن الله

طبعا الصدمة خلتنى مش قادر حتى أعيط

فقعدت ساكت أحسن –

يعنى يا ربى كل لما أحب واحده يحصل حاجه تبوظ الموضوع أنا خلاص شكلى هحب ( عائشة الكيلانى )

بس المشكله انها متجوزه ... يلا مش مشكله هستناها لحد ما تتطلق

حتى اكون كبرت شوية واقدر اصرف عليها .