حكاية زوج معاصر

حكاية زوج معاصر
هحكى حكاية زوج معاصر
عاصر على نفسهُ لمونة
عشان مراته أرفاه فى عيشتهُ وشـعنونة
هوه اللي قال أنا بس بسمع _ آه _ ؛ ليرجعو الناس يلومونا
قبل أما يتكلم
أنا كنت بتمنى الجواز
دلوقتى لازم أعيد نظر

أصلَّك مراته لوحتى ولع فيها بجاز
بجد لازم يتعذر
متستغربش قبلك سمعت وكنت واقف مذهول
ومتتسرعش أحكم بنفسك وأسمع معايا ده بيقول :
بجد كانت حبـبـتى أهدى
وكت بتفهم من غير مناهدة
دلوقتى معرفـش إيه اللي جد
شألب كيانها بالشكل ده
بأة خلاص مش طايقة حد
وصوتها يعلى على ده وده
كبير صغير مش سايبة حد
تسأل تقولَّك هوه كده
من يوم ما أتجوزنا وجيرانا سمعا
بينا على صوتـها يِّجو الجيران
ويحاولـو يـهدّو فينا
وكأنى أنا الغلطـان يقولولي أعقل يا أخينا
خلّونى طحت فيهم
وفضحت عيوبها ليهم
ودى واقفة تبصلهم آل يعنى بتستنجد بيهم
روحت كاسفها وقولتلهم :
حببتى كانت جوهرة وفى الشياكة ملهاش مثيل
تلبس هدوم معطرة
برفان تشمهُ
على بُعد ميل
معرفش إيه اللي جرى بعد الجواز
بأة الجميلة جوهرة من غير إزاز
لابسة هدوم مهرهرة
وبتحط جاز
من أول ما أدخل من الباب
تـهريـنى شكاوى وطلبات
وتقول لـي دى عيشتنا هباب
من الحبـسة أنا جالى إحباط
عايزين نخرجو نتهوو
وعيالك عملو وسوو
هات لنا لحمة نتقوو
أتصرف لنا فى فلوس
مش عارف أعمل فيها إيه
وخلاص الواحد فاض بيه
ليه نصيبي دايما كده ليه
ولا أنا منحوس
زيح عنى البلوة ياربى مش قادر أدارى وأخبى وسامحنى إن كان ده ذنبى
راجع تعبان من شغلى
ودى شارية دماغها مبتقدرش
حراكاتها تخلينى أغلى
وبلـم الدور ومبـتـهورش
برجع بلاقيها لابسة الوش
مهو لو تستاهل أقول معلش
وأما بعديها وبطنـش
هيّة تسوق فيها ومتقدرش
منين ما أروح مكشرة
مش فالحة غير فى النأورة
وأبُخ فيها تجيب ورا
وياريت بتبطل
دى ما بتبطلش
وجيرانى تقولى
قدر محصلش
إزاى وهسامح ليه فى حقى
وفى حقى ليه لازم أبقى
أنا هخدوه تالت ومتلت

ما كتير سَكَتْ على عنادها
يظهر كده صبرى فاءدها
خلاها بيـّا بتـتمألت
وتلغبط فى الكلام
وتخبط فى الحلل
وتقول كده والسلام
أنا ماسكة عليه ذِلل
لزمتها إيه اللغبطة
ما أنا كُنت عليها ستر وغطى
ومفيش غيري أستحملها
فضيحتنا بأة بجلاجل
مهى نست إن ليها راجل
وأنا اللي ياما سكتلها
لكن خلاص أهى ملحوقة
أُدام الكل أهى مزنوقة
و أدتنى فرصة أرُصلها
غلطانة وكمان محموقة
قُمت أديرت وقولتلها :

: كلام منقى بقولهولك
أُدام الكل بعيدهولك
لو يعلى صوتك تانى مرة
لسانك ده هقطعهولك

وآخر ما هزهق هندهلك
تلمى شنطك على مهلك
وبسرعة على بيت أهلك
ماشوفش وشك هنا تانى
أنا قولت بس أوصلّك
إيه اللي ممكن يحصلّك
؛ لترجعى تقولى كانى ومانى

أنا شايل الهم وطافح الدم
عشانك ليه !!
كان إيه اللي رمانى الرميادى
آه من اللي أنا فيه !!
لما أنتى فى وادى وأنا فى وادى
نتجوز ليه ؟!!
نتجوز ليه وأفضل فى عذاب !!

غلطـان وأستـاهل ميـت جزمة
على غلطة لا كان ولا ليها لازمة
دلوقتى أنا عايش فى الأزمة
وبضحك بحساب
أنا كنت بحبك بلا أفية
وأهو حبك أهوه
جاب لـي الكافية
دلوقتى أهوه بُصي لحالى
تلاقينى أنا بضحك بالعافية
نكدتى عليَّا يا زنانة
ياللي في طلباتك فنانة
تختاري الوقت اللي ينرفز
ياما نفسي أشوفك ندمانة
وأنا واقف شمتان متلذذ

كلمات / محمد على الجوهرى

من طرف سعيدة الخميس مايو 27, 2010 4:38 pm

تسلم يدك يا شاعرنا

صرآحهـ روووعهـ .. ; قمة الرووعـهـ

يعطيك العافيهـ

الله يعافيكى ويباركلى فيكى
ميرسى على ذوقك
وأعاننى الله على المحافظة على مستوايا
فى نيل اعجاب معاليكى

من طرف **محمد سعيد** الخميس مايو 27, 2010 6:37 pm

أشكرك اخى الغالى محمد سعيد
على هذا التعليق الرائع
وربنا يقدرنى انى أكون دائما عند حسن ظنك
وظن جميع أعضاء هذا المنتدى السعيد
الذى عرفنى على سعيدة ومحمد سعيد

من طرف **عاشقة** الجمعة مايو 28, 2010 5:46 am

اهنيك على القصيدة الجميلة

يعجز لساني عن وصف مدى اعجابي بجمال ماقدمت يداك

كل الشكر لك اخـي الشاعر محمد علي الجوهري

من طرف bouchra السبت مايو 29, 2010 3:02 pm

كلمات جميلة

باركك المولى

أتمنى لك الازدهار اكثر واكثر

دامت حروفك هنا

وفقك الله

تشجيعاتي وتحياتي

ميرسى يا بُشرى على ذوقك ورقتك

من طرف **bassma** السبت مايو 29, 2010 4:24 pm

يا جاااااااااامد

حلوه اووووووووووووووووى

ربنا يوفقك

من طرف **noda** الأحد مايو 30, 2010 1:22 pm

هي ديه القصايد ولا بلاش
جميله جدا ماشاء الله كلامك روعه

هههههههههههههههههههههههه اى خدمة يا بسمة على فكرة
دى أقل حاجة عندى
وميرسى أوى على تعليقك العفوى الجميل
وبدعو جميع اعضاء المنتدى الجميل ده
لزياره صفحتى فى الفيس بوك
وهتلاقو فيها كلمات ان شاء الله تنال إعجابكم
فقط أبحثو عن أسم الشاعر محمد على الجوهرى

هههههههههههههههه ميرسى يا سارة على كلامك الجميل ده

بس أفهم من كدة (انى أستحق ان أكون أمير الشعراء لعام 2011) ولا وسعت منى شويتين

من طرف naji الثلاثاء يونيو 01, 2010 10:57 am

لشعرك نمط خاص اخ الجوهري
واصل ابداعك
سلمت اناملك
في انتظار ابداعاتك القادمه لالالالا تبخل علينا

من عنيا استاذ ناجى
لا أستطيع ان ابخل على احبابى
انتظر منى قصيدة جديدة
عن قريب ان شاء الله
فى هذا المنتدى القريب الى قلبى

من طرف قل الله أكبر الأربعاء يوليو 07, 2010 11:12 am

تسلم ايدك وعن جد شعر حلوووووووووووو
لك تحياتي وتشجيعاتي القلبيه

ننتظر الجديد منك

بعتذر عن الغيبة الطويلة واعدكم انشاء الله فى القريب العاجل بقصيدة جميلة

من طرف سعيدة الأربعاء سبتمبر 29, 2010 2:49 pm

ايه فينك يا شاعرنا فين الغيبه الطوييييييييله دي وقصايدك اللي وعدتنا بها

عايزين قصايد بس ماتكونش فيها كدا علينا خليك معانا ههههههههههههه احسن مش حتخلي الرجاله تتجوز ويبقى ذنبنا في رقبك هههههههههه

من طرف bouchra الأربعاء سبتمبر 29, 2010 4:20 pm

اختك بشرى من المغرب في انتظار جديدك

اشجعك من كل قلبي

ميرسي جداً على التعليقين اللُذاذ دول
وبجد واللهى غصب عنى الغيبة دى
شوية انشغال فى ضغط العمل
وفى خلال اليومين اللى جيين دول
هنزل حاجة فى صفكم مش ضدكم
ماتقلقيش يا سعيدة
ووعدى بالجديد يا بُشرى قيد التنفيذ

حكاية زوج معاصر

حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر

رد: حكاية زوج معاصر